Rundunar ‘yan sandan jihar katsina ta kama mata hudu dake taimakawa ‘yan ta’adda

Rundunar ‘yan sandan jihar Katsina ta ce ta kama wasu mata guda hudu wadanda suke karnukan farautar ‘yan bindiga ne a jihar.

A cewar rundunar, ‘yan bindigar samaruka ne ga matan wadanda suke dafa musu abinci da sauran biya musu wasu bukatun su.

Mai Magana da yawun rundunar SP Gambo Usah ya ce an kama matan ne yayin wani samame da aka kai musu.

Matan sune Bilkisu Abubakar mai shekara ashirin da Rasikat Amadi da Sulie Dairu masu shekara arba’in da biyar da kuma Rakiyar Yusuf mai shekru ashirin.

Mai magana da yawun ‘yan sandan ya kuma ce matan suna yawan ziyartar dajin Rugu domin kaiwan rahotannin abubuwan da ke faruwa a gari ga ‘yan bindigar.

Haka zalika an kuma gano cewa mafi yawa na ‘yan ta’addar da ake nema ruwa a jallo suna alaka da matar ciki kuwa har da Roga Kachalla da Gume Basullube da Sumail da Haruna Dum da Auta Kachalla da Yauza Mai-Bakarkama da Lawali Adda da kuma Babanyara da kuma Dogo.