Saboda muradan ƴan ƙasa zamu sauya kuɗaɗe – Emefiele

Babban bankin ƙasa CBN ya ce matakin sauya wasu kuɗaɗen kasar nan za ayi shi ne da nufin kare muradan ƴan kasa.

Gwamnan babban bankin Godwin Emefiele ya ce, kuɗaɗen da za a sauya sun haɗar da Naira Dari Biyu da Dari Biyar da kuma Dubu Daya.

Ya ce, za a saki sabbin kuɗaɗen a ranar 15 ga watan Disambar Bana, za kuma a daina hada-hada da tsofaffin daga ranar 31 ga watan Junairun baɗi.