Sakamakon jarrabawar ɗaliban da suka yi daga baya ya fito – JAMB

Hukumar shirya jarrabawar shiga manyan makarantun ƙasar nan JAMB ta saki sakamakon jarabbawar ɗaliban da suka rubuta a ranar Juma’ar da suka gabata.

Hakan na cikin wata sanarwa da mai magana da yawun hukumar Dr. Fabian Benjamin ya fitar a Abuja.

Ya ce, jarrabawr an gudanar da ita a wasu cibiyoyi da hukumar ta zaɓa a fadin kasar nan, ga ɗaliban da basu samu damar rubuta jarrabawar da aka yi a watannin ba.

Sanarwar ta buƙaci daliban da su duba shafin internet na hukumar don fito da sakamakon su.

Sama da .ɗalibai dubu goma sha bakawai ne suka rubuta jarrabawar a ranar juma’a, sakamakon matsalolin da suka fuskanta a lokacin rubuta jarrabawar a baya.