Salon mulkin Buhari ya raba kan Najeriya – Obasanjo

Tsohon shugaban kasa Olusegun Obasanjo ya ce, Najeriya ta gaza kuma tana daf da zama kasa da ke neman rugujewa.

Olusegun Obasanjo ya ce Najeriya ta rabu gida-gida sakamakon salon mulki na shugaba Muhammadu Buhari.

Tsohon shugaban kasar ya bayyana hakan ne lokacin da ya ke gabatar wata makala a wajen wani taron tuntuba da aka gudanar a Abuja.

Obasanjo ya ce rarrabuwar kawuna da kin jinin juna sai kara yawa yake a kasar nan sakamakon yadda gwamnati ke jagorantar kasar.

Taron dai an gudanar da shine a ranakun tara zuwa goma ga wannan wata a birnin tarayya Abuja.