Sanata Ahmad Lawan da Femi Gbajabiamila sun bukaci al’umma su ci gaba da yin addu’ar zaman lafiya

Shugaban majalisar Dattijai Sanata Ahmad Lawan da takwaransa na majalisar Wakilai Femi Gbajabiamila, sun bukaci al’umma da su ci gaba da yi wa Niajeriya addu’ar samun zaman lafiya tare da mika mulki ga sabuwar gwamnati mai zuwa cikin kwanciyar hankali da lumana.

shugabannin, sun bukaci hakan ne ta cikin sakon taya al’ummar Musulmi murnar bukukuwan karamar Sallah na bana.

Haka kuma, sun bukaci musulmi da su yi amfani da darussan da suka koya a cikin watan Ramadan wajen aikata ayyukan alheri a rayuwarsu.