Sanatocin Zamfara 3 sun sauya sheƙa daga PDP zuwa APC

Sanatocin jam’iyyar PDP guda hudu sun sanar da sauyin sheka daga jam’iyyar adawa ta PDP zuwa jam’iyya mai mulki ta APC, a yayin zaman majalisar na yau laraba.

Sanatocin sun hada da guda uku daga jihar Zamfara, wadanda suka hada da Sahabi Alhaji Ya’u, mai wakiltar mazabar Zamfara ta arewa da  Hassan Muhammed daga Zamfara ta tsakiya, sai kuma Lawali Hassan Anka daga Zamfara ta yamma.

Haka zalika shima sanata mai wakiltar mazabar Delta ta arewa, Peter Nwaoboshi ya sanar da ficewar sa daga jam’iyyar ta PDP zuwa APC.

Shugaban majalisar dattijai sanata Ahmed Lawan shine ya karanta wasikar sauyin shekar sanatocin guda hudu.