Saura ƙiris a fara shan jar miya – Buhari

Shugaban ƙasa Muhammad Buhari ya ce ƴan Najeriya za su samu sassauci kan halin matsin tattalin arziƙi da ake ciki da zarar cutar Covid-19 ta wuce.

Mai magana da yawun shugaban ƙasar Malam Garba Shehu ne ya bayyana hakan a zantawarsa da Freedom Radio.

Garba Shehu ya ce, sanadiyyar cutar Corona babu ƙasar da tattalin arziƙinta bai durƙushe ba sai ƙasar China, a don haka halin matsin ba iya Najeriya ya shafa ba.

Duk da haka gwamnatin tarayya na iya ƙoƙarin ta wajen ɗaukar matakan kawo sassauci ga al’umma, kuma muna fatan ba zai ɗore ba sauƙi na nan zuwa cikin yardar Allah a cewarsa.