Shaguna 50 sun kone kurmus a jihar Niger

Sama da shaguna hamsin ne suka kone kurmus sakamakon konewar wata tankar dakon mai a garin Lambatta da ke karamar hukumar Gurarar ta Jihar Niger.

Lamarin dai ya faru ne da karfe 11 na daren jiya lahadi, inda jami’an kashe gobara na Suleja suka kai agaji tare da kashe wutar.

Tankar dakon man ta yi taho mu gama da wata babbar motar gingimari, sannan suka kama da wuta.