Shugaba Buhari ya nuna alhininsa da labarin mutuwar mutane 18 a jihar Lagos

Shugaban kasa Muhamamdu Buhari ya ce ya girigiza matuka da jin labarin mutuwar mutane 18 ciki har da dalibai, sanadiyar rushewar ginin mai hawa3 dake yakin Faaji a jihar Lagos.

Muhammadu Buhari ya aike da ta’aziyyar sa ga gwamnatin jihar da iyalan wadanda suka rasa ‘yan uwan su, yayin da fatan wadanda suka sami raunika

Shugaban kasar ya kuma yabawa masu aikin ceto bisa namijin kokarin da suka yi wajen ceto wadanda suka sami raunika.

Muhammadu Buhari ya kuma yi kira ga gwamnatin jihar da ta dauki da ta tabbatar ta dauki matakan da suka dace wajen hana faruwar hakan anan gaba.