Shugaba Donald Trump ya ce nan bada dadewa ba kasarsa zata turo da jiragen yaki

Shugaba Donald Trump na Amurka ya ce nan ba da dadewa ba kasar sa za ta turo da jiragen yakin nan da kasar nan ta saya daga Amurka akan kudi dala miliyan 496.

Donald Trump ya bayyana hakan ne yayin wani taron manema labarai da shugaban kasa Muhammadu Buhari a fadar White House.

Ya ce ba ko shakka jiragen za su taimakawa rundunar sojin kasar nan wajen kakkabe mayakan Boko haram.

Shugaban na Amurka ya kuma ce kasar sa za ta ci gaba da taimakawa Nigeria a yakin da take da ‘yan ta’adda da kuma harkokin da suka shafi tattalin arziki.