Labarai
Shugaba Tinubu na shirin bai wa yan Nijeriya bashin miliyan 100 don sayen gida

Shugaban kasa Bola Ahmad Tinubu, ya sanar da shirin bai wa ’yan Nijeriya bashin kuɗin sayen gida har Naira miliyan 100, kan Kudin ruwa na kaso 9 da digo 75 cikin 100, wanda za’a biya cikin wa’adin shekaru 20.
Tinubu ya ce shirin, wanda ake gudanarwa ta Asusun Zuba Jari a Bangaren Gidaje na MOFI (MREIF) mai jarin Naira tiriliyan ɗaya, na daga cikin ƙoƙarin gwamnatin sa na sauƙaƙa wa al’ummar kasa mallakar gidaje maimakon ci gaba da biyan haya.
A cikin saƙon da ya wallafa a shafinsa na X yau Talata, shugaban ya bayyana cewa masu cin gajiyar shirin za su biya kaso 10 cikin 100 na kuɗin gidan a matsayin kuɗin farko.
You must be logged in to post a comment Login