Labarai
Shugaba Tinubu ya umarci jami’an tsaro su kuɓutar da ɗaliban Zamfara
![](https://freedomradionig.com/wp-content/uploads/2023/06/TINUBU.png)
Shugaban kasa Bola Ahmed Tinubu, ya umarci jami’an tsaro kan su kuɓutar da sauran ɗalibai mata na Jami’an Tarayya da ke Gusau a jihar Zamfara, da masu garkuwa da mutane suka sace.
Cikin sanarwar da mai magana da yawun shugaban, Ajuri Ngelale ya fitar, Tinubu ya yi Allah wadai da sace ɗaliban da aka yi ranar Juma’a.
Haka kuma yana mai cewa wannan abu ne na rashin tausayi da imani kan mutanen da ba su ji ba ba su gani ba.
Shugaba Tnubu ya kuma tabbatar da cewa a shirye gwamnatinsa ta ke wajen kare dukkan al’ummar Nijeriya.
Haka kuma shugaban, ya sha alwashin yi duk mai yiwuwa domin kuɓutar da ɗaliban.
You must be logged in to post a comment Login