Tsohon Shugaban Kwalejin FCE Zariya ya rasu

Rahotonni daga birnin Zazzau na cewa Allah ya yiwa tsohon shugaban kwalejin ilimi ta tarayya da ke Zariya Dr. Ango Abdullahi Rasuwa.

Wakilin mu Hassan Ibrahim Zaria ya rawaito cewa, iyalan marigayin ne suka sanar da rasuwar sa a daren Lahadi.

Marigayin ya rasu a asibitin Saint Luke’s da ke Wusasa a garin Zariya.

Za a yi jana’izar marigayi Dr. Ango Abdullahi da ƙarfe 2:30 na ranar Litinin a anguwan Iya da ke birnin Zazzau.