Shugabar gidan talabijin na ARTV ta lashe zaben BON

An zabi Shugabar gidan talabijin na ARTV dake Kano Hajiya sa’a Ibrahim a matsayin shugabar kungiyar kafafan yada labarai ta kasa .

Jaridar Kano Focus ta rawaito cewar Hajiya Sa’a Ibrahim ta kasance shugabar kungiyar a wani taro da aka gudanar na kungiyar karo na 72 , biyo bayan rashin cancanta da abokin hammayarta Yusuf Nadabo dan jihar Adamawa yayi.

Hajiya sa’a Ibrahim dai ita ce mataimakiyar shugabar kungiyar , kafin a zabe ta a matsayin shugabar kungiyar a yanzu.

Da take jawabi Hajiya Sa’a Ibrahim ta sha alwashin damawa da dukkanin mambobin kungiyar a kokarin tabbatar da cigaban kungiyar.

Ta kuma bayyana jin dadinta ga yadda zaben ya tafi ba tare da tashin hankali ba .

Zaman da kungiyar kafafan yada labarai za ta yi nna gaba za ta yi shine a Jihar Kano. An kafa kungiyar ne a 1973 a matsayin hadin gwiwar kafafan yada labarai masu zama kansu da na gwamnati.