Shugabar matan jam’iyar NNPP ta ajiye mukaminta

Shugabar Mata shiyar arewa maso yamma ta jam’iyar NNPP Hajiya Aisha Ahmad kaita ta ajiye mukaminta a yau,

Hajiya Aisha Ahmad Kaita ta bayyana hakan yayin ganawa da manema labarai yau a Kano

Ta kara da cewa ajiye mukamin na ta ya biyo bayan wofantar da su da akayi bayan suyi duk bakin kokarin su na tabbatar da nasarar jam’iyar ta su lokacin zaben gwamnan jihar Kano.

Aisha kaita ta ce akwai alkawarin da gwamnan Kano yayi mata amma har yanzu shiru kuma ita a yanzu itace take bin NNPP da kungiyar kwankwasiyya bashi.

Wakilin mu Abubakar Musa Labaran ya rawaito mana cewa Hajiya Aisha ta ce tana nan a jam’iyar NNPP ya zuwa yanzu.