Sojoji sun kashe ƴan Boko haram 40 a jihar Borno

Dakarun Operation Hadin Kai na rundunran sojin ƙasar nan sun hallaka ƴan boko haram da dama a ƙauyen Dawuri da ke yankin ƙaramar hukumar Konduga a jhar Borno.

Jaridar PRNigeria ta ruwaito cewa sojin na Najeriya sun yi amfani da manƴan bindigogi da makamai masu nisan zango wajen luguden wuta kan ƴan ta’addar na Boko haram waɗanda ke wani taro na tsara yadda za su kai hare-hare a birnin Maiduguri.

Wani jami’in soji da ke cikin bataliyar sojojin da suka kai harin, ya shaidawa jaridar ta PRNigeria cewa, sojojin sun kai harin ne biyo bayan samun wasu bayanan sirri.

A cewar sa, yayin harin sojojin sun kashe ƴan ta’addar na boko haram guda arba’in,yayin da wasu da dama suka samu munanan raunuka.