Sojoji sun kubutar da 1 daya daga cikin sauran daliban Chibok

Rundunar sojin Nijeriya  karkashin dakarun bataliya ta 114 da ke aiki a karamar hukumar Goza ta jihar Borno, ta samu nasarar kubutar da karin daliba 1 cikin yan matan Chibok da ‘yan Boko Haram suka yi garkuwa da su a shekarar 2014.

Dakarun sun samu nasarar kubutar da dalibar mai suna Hauwa Malsa yar kimanin shekara ashirin da shida a ranar 21 ga watan Afrilun da ya gabata tare da jaririyarta.

Rahotanni sun tabbatar da cewa, daliba Hauwa ta auri guda daga cikin mambobin kungiyar ta Boko Haram mai suna Salman wanda shi ne mai daukar hoton tsohon shugaban kungiyar Boko Haram Abubakar Shekau, wanda daga bisani ta sake auren malam Muhammad, bayan rasuwar Salman a yanking tafkin Chadi.