Tabbas muna da ikon dakatar da Fim din Youtube- El-mustapha

Hukumar tace fina-finai da dab’i ta jihar kano, ta ce ta na da hurumi akan duk wani fim da ake haskawa a kafar Youtube da kuma gidajen Talabijin.

Shugaban Alhaji Abba El-mustapha ne ya bayyana hakan a zantawarsa da Freedom Radio. 

Abba Almustapha ya kuma  ce, abinda ya sanya suka dakatar da ci gaba da nunawa a Talabijin da kuma dora wasu fina-finai a Youtube har guda 20 shi ne, ana yin hakan ne ba tare da samun izini daga hukumar ba.