Taliban: Ta naɗa wanda majalisar ɗinkin duniya ta sawa takunkumi a matsayin jagoran Afghanistan

Ƙungiyar Taliban a ƙasar Afghanistan ta naɗa Muhammad Hassan Akhund a ranar Talata, a matsayin wanda zai jagoranci gwamnatin Afghanistan, makonni kaɗan bayan ƙwace mulkin ƙasar.

Muhammad Akhund wanda ɗa ne ga wani babban jami’in ƙungiyar ta Taliban Marigayi Mulla Umar. Ya daɗe a cikin jerin waɗanda majalisar ɗinkin duniya ta sawa takunkumi.

Mai magana da yawun ƙungiyar Zabihullah Mujahid, ya kuma bayyana jerin sunayen waɗan da ƙungiyar ta samar na ƴan majalisu, wadan da suke maza ne zallah babu mata.

Kamar yadda shafin Aljazeera ya rawaito cewa, waɗanda aka naɗa ɗin sun ƙunshi tsofaffin maza ne zallah kuma babu matasa acikin su.