Tennis: Ashleigh Barty za ta fafata wasan ƙarshe da Danielle Collins

‘Yar wasan kasar Australia Ashleigh Barty ta zama ta farko data kai ga wasan karshe na gasar Australian Open bayan shekaru 42 bayanda ta samu galaba kan ‘yar wasa Madison Keys a karawar da suka yi a wasan kusa da karshe a ranar Alhamis a filin wasa na Rod Laver Arena.

Barty mai shekaru 25 ta samu nasara kan Keys ‘yar kasar Amurka mai shekaru 26 da ci 6-1 da 6-3.

‘Yar wasa Barty za ta fafata wasan karshen da ‘yar wasan kasar Amurka, Danielle Collins a ranar Asabar.

‘Yar wasa Collins mai shekaru 28 ta samu nasarar kaiwa ga wasan karshe a gasar ta Australian Open ne bayanda ta doke ‘yar wasa Iga Swiatek ‘yar kasar Poland da ci 6-4 da 6-1.