Tennis: Rafael Nadal ya lashe gasar Australia Open

Dan wasan kasar Spain Rafael Nadal ya doke Daniil Medvedev a gasar Australian Open a wasab karshe da suka fafata a ranar Lahadi 30 ga watan Janairun 2022.

Nasarar ta bashi damar kasancewa namiji na farko da ya lashe Grand Slam har guda 21.

Dan wasan Nadal ya yi nasara ne da ci 2-6 da 6-7 da (5-7) da 6-4 6-3 7-5 wasan da ya gudana a birnin Melbourne na kasar Australia.

Wannan dai na zuwa ne bayan da tunda fari a ranar Asabar 29 ga watan Janairun 2022 ‘Yar wasa Ashleigh Barty ta yi nasarar lashe gasar ta Australian Upen karo na farko a tarihi.

Lamba ta daya a duniya ta yi nasarar ne da ci 6-3, da 7-6 da (7/2) a kan ‘yar kasar America Danielle Collins.