Connect with us

Labarai

Tsaftar muhalli: An yanke tarar Naira dubu 100 ga hukumomin tashar Mota ta Rijiyar Zaki

Published

on

Kotun tafi da gidanka kan tsaftar muhalli ta yanke hukuncn tarar Naira dubu 100 ga hukumomin tashar Motar Rijiyar Zaki a Kano.

An yanke hukuncin ne sakamakon samunsu suna lodin fasinjoji adaidai lokacin da ake gudanar da tsaftar muhalli na ƙarshen wata.

Da yake yanke hukuncin mai Shari’a Auwal Yusuf ya ce “Dukkanin motar da aka kama a cikin tashar tayi lodi za ta biya tarar Naira dubu 10, su kuma hukumomin tashar za su biya Naira dubu 100″.

Haka kuma ya bada umarnin tafiya da wasu direbobin mota a tashar don faɗaɗa bincike.

Yadda tashar take a cike ana lodi

Jim kaɗan bayan fitowa daga tashar Motar ne kwamishinan muhalli Dakta Kabiru Ibrahim Getso ya yi Allah wadai da halin da ya tarar da tashar a safiyar wannan rana.

A tsakiya Dakta Kabiru Ibrahim Getso lokacin da yake zagayawa

Ya kuma ce, ba za su zuba ido wasu tsirarun mutane su rushe yunƙurin gwamnati na inganta muhalli ba, a don haka a shirya suke su ɗauki hukunci a kansu.

Motocin da ake lodi

Yadda kwamishinan ya dasa bishiya

Daga nan ne kwamishinan ya ƙaddamar da dashen bishiya a unguwar ta Rijiyar Zaki a wani mataki na inganta muhalli.

Click to comment

You must be logged in to post a comment Login

Listen Live

Freedom Radio Kano 99.5 FM Freedom Radio Kaduna 92.9 FM Freedom Radio Dutse 99.5 FM Dala FM Kano 88.5

Now Streaming

Archives

Copyright © 2019. Freedom Radio Group. All Rights Reserved.

error: Content is protected !!