Tsaftar muhalli: Za mu ɗauki tsatstsauran mataki kan ƴan sahu -Nasiru Garo

Gwamnatin jihar Kano ta ce, za ta fito da wasu tsauraran matakai akan matuƙa baburan daidaita sahu, sakamakon yadda suke karya dokar tsaftar muhalli.

Kwamishinan muhalli Nasir Sule Garo ne ya bayyana hakan, yayin duban tsaftar muhalli da aka gudanar yau akwaryar birnin Kano.

Ya ce, kwamitin duban tsaftar muhalli ya lura da yadda masu adaidaita sahu ke sintirin daukan fasinjoji a kan titin duk da cewa doka ta hana hakan a safiyar asabar din ƙarshen kowanne wata.

Ya kuma ce, wannan shi ne karo na farko da ya fuskanci irin wannan matsala daga wajen matuƙa baburan daidaita sahun, tun bayan kama aikinsa a ma’aikatar a don haka zai ɗau mataki a kai.a

Yayin duban tsaftar muhallin kwamitin ya zagaya sassa daban daban na ƙwaryar birnin Kano don ganin yadda aikin ke gudana.