Tsaro: Ƴan bindiga sun hallaka Manoma 8 a Zamfara

Rahotanni daga jihar Zamfara na cewa, wasu Mahara sun halaka mutane 8 a safiyar yau Asabar a ƙauyan Damaga da ke karamar hukumar Marudun ta jihar Zamfara.
Lamarin ya farune lokacin da al’ummar yankin suka fita aikin gona inda ƴan bindigar suka buɗe musu wuta kamar yadda wani ganau ya shaidawa wakilinmu Yusuf Ibrahim Jargaɓa.

Wakilin namu ya tuntiɓi jami’in hulɗa da jama’a na ƴan sandan jihar ta Zamfara SP. Shehu Muhammad inda ya ce, suna kan bincike amma ya bashi lokaci.
Sai dai har kawo lokacin hada wannan rahoto bamu samu ji daga gareshi ba