Tsaro: An hana cinikin fili da gidaje a Minjibir

Karamar hukumar Minjibir ta haramta sayar da gidaje da ba da hayar su.

Shugaban karamar hukumar Alhaji Sale Ado Minjibir ne ya bayyana hakan yayin wani taro da ya kira na masu rike da mukaman gargajiya da malamai har ma da dillalai.

Ganawar ta su ta mayar da hankali kan tattauna hanyoyin da za a magance matsalar tsaro a karamar hukumar, ganin yadda lamarin ke ci gaba da yawaita a fadin kasar nan.

Alhaji Sale Ado Minjibir ya ce, za su yi hadin guiwa da jami’an tsaro wajen bai wa mafarauta horo kan sha’anin tsaro, tare da tura su zuwa iyakokin karamar hukumar don kyautata tsaro.