Tsaro: muna buƙatar gwamnatin tarayya ta kawo mana ɗaukin gaggawa – Majalisar dokokin Zamfara

Majalisar dokokin jihar Zamfara ta bukaci gwamnatin tarayya da ta ƙara ƙokari wajen magance matsalar tsaro da ke sake ta’azzara a jihar.

Majalisar ta buƙaci hakan a zaman ta na ranar Alhamsi, inda ta ce akwai bukatar kawo agajin gaggawa don yaƙi da ayyukan ta’addanci.

Wannan dai ya biyo bayan ƙudurin gaggawa da shugaban masu rinjaye na majalisar Alhaji Faruk Dosara ya gabatar.

Yan sanda a jihar Zamfara sun kubutar da dalibai 5 daga cikin 73 da ‘yan bindiga su ka yi garkuwa da su

Dasara ya yabawa gwamnatin jihar bisa matakin da ta ɗauka na sanya matakan gaggawa kan sha’anin tsaro don yaƙi da shi a fadin jihar.