Labarai
Tsohon Kwamishinan Ganduje ya bai wa Gwamna Abba shawara
![](https://freedomradionig.com/wp-content/uploads/2023/07/Muhammad-Garba.jpg)
Tsohon kwamishinan Yada Labarai na gwamnatin Gwanduje Kwamared Muhammad Garba, ya bukaci gwamnatin Kano mai ci karkashin jagorancin Engr Abba Kabir Yusuf, da ta mayar da hankali kan samar da tsarin da zai fitar da mutanen Kano daga wahalhalun rayuwa da suke fuskanta, ba kushe ga tsarin da gwamnatin tarayya ta bujiro da shi na rabon kayayyakin tallafin rage radadi ba.
Tsohon kwamishinan ya bayyana hakan ne ta cikin sanarwar da ya fitar jiya Lahadi, a matsayin martini ga furucin gwamnatin Kano a kan shirin rabon tallafi da gwamnatin tarayya ke shirin yi.
Idan ba a manta ba mataimakin Gwamnan Kano Kwamared Aminu Abdussalam Gwarzo, ya soki tsarin da gwamnatin tarayya ta bujiro da shi wajen rabon kayayyakin tallafin rage radadin da al’umma ke ciki.
You must be logged in to post a comment Login