Twitter bai dakatar da shafina ba – Lai Mohammed

Ministan yaɗa labarai da al’adu na ƙasa, Lai Mohammed ya musanta labarin cewa dandalin Twitter ya dakatar da shafinsa.

A zantawarsa da jaridar Independent a ranar Talata, ministan ya ce, ba shi da wani shafi na karan kansa a Twitter.

Ministan ya ce, duk al’amuransa ana sanya su ne ta shafin ma’aikatar sadarwa na ƙasa wato @FMICNigeria.

Ya ci gaba da cewa “Duk da an buɗe shafuka da yawa a Twitter da suna na, amma ba nawa ba ne, ban ma taɓa buɗe shafin Twitter ba”.

A baya-bayan nan ne aka riƙa yaɗa rahoton cewa, dandalin sada zumunta na Twitter ya dakatar da shafin ministan.

Labarai masu alaka:

Takaddama : Majalisa ta kalubalanci Lai Muhammed kan ayyukan ma’aikatar sa

Babbar kotun jahar Rivers ta umarci Lai Muhammad kada ya sake buga sunan Uche Secondus cikin wadanda suka barnata dukiyar kasa