Wasu matasa sun Kona babur din adai-daita sahun masu kwacen waya bayan sun musu dukan tsiya a Kano

Wasu matasa a yankin Kabuga dake karamar hukumar Gwale a Jihar Kano sun kone wani baburin adai-daita sahu da ake zargin na masu kwacen waya ne.

Wani shaidar gani da ido ya bayyanawa freedom Radio cewa tun da fari matasan sai da suka lakadawa masu kwacen wayar duka lokacin da suka taho suna kwacewa mutane wayoyinsu sannan suka damka su a hannun jami’an tsaro daga bisani kuma suka cinnawa adai-daita sahun wuta.

Wannan dai na zuwa ne adaidai lokacin da rundunar Yan sanda Jihar Kano ke cewa tana iya bakin ko karinta wajen kawo karshen kwacen waya ta hanyar kama barayin tare da gurfanar dasu gaban shari’a.

Yayin da a hannu guda al’ummar Jihar suke ganin hukuncin da ake yiwa masu kwacen wayar yayi rauni, da yasa kullum matsalar take Kara habaka a fadin Jihar.

Rahoton: Bashir Sharfadi