Connect with us

Labaran Wasanni

Ya aka yi babu dan Najeriya cikin ‘yan wasa 11 da su kafi iya kwallo a Afrika?

Published

on

Daga Abubakar Tijjani Rabiu

A jiya Talata bakwai ga watan Junairun shekarar 2020 hukumar kwallon kafa ta Afrika CAF ta fitar da sunayen ‘yan wasan goma sha daya da su kafi iya murza kwallo a shekarar 2019 da ta gabata.

Sai dai cikin ‘yan wasan goma sha daya da aka fitar da babu sunan dan Najeriya ko daya a ciki, wanda hakan ya sanya masu bibiyar harkokin wasanni ke bayyana mabanbanta ra’ayoyi game da sunayen ‘yan wasan da aka fitar.

Wasu na ganin cewa hakan nada nasaba da rashin tabuka abin azo a gani da ‘yan wasan Najeriya basa yi a kungiyoyin suke wakilta musamman ma a nahiyar turai.

Za a tabbatar da hakan  idan aka kalli yadda dan Sadio Mane da Riyad Mahraz da kuma Muhammad Salah ken una bajinta a kungiyoyin da suke taka leda musamman ma irin rawa da suka taka a gasar cin zakarun nahiyar turai.

A yayin da wasu ke cewa, ya kamata ace hukumar kwallon kafar Afrika CAF ta sanya wasu ‘yan Nijeriya cikin jerin ‘yan wasan da suka fi iya taka leda a shekarar 2019 duba da yadda Najeriya ta kai matakin wasan dab dana karshe a gasar cin kofin Afrika na shekarar.

Haka kuma dan wasan gaba na Najeriya Odion Ighalo shine ya ya samu nasarar lashe kyautar dan wasan da yafi kowa zura kwallo a gasar ta cin kofin Afrika inda yake da kwallaye biyar. Amma duk da wannan bajinta Ighalo bai samu damar shiga cikin jerin ‘yan wasa sha daya ba.

Samuel Chikweze dake wasa a kungiyar kwallon kafa ta Villareal dake kasar Spaniya shima ya nuna bajinta a kungiyar sa sannan ya taka rawar gani a gasar cin kofin Afrika. Shima dai Victor Oshimhen dake wasa a kungiyar kwallon kafa ta Lille a kasar France ya cancanci shiga cikin jerin ‘yan wasan duba da irin gudunmawar da ya baiwa kungiyar sa a shekarar da ta gabata.

Ga jerin sunayen ‘yan wasan da hukumar kwallon kafar ta Afrika CAF ta fitar da sukafi iya murza kwallo a shekarar data gabata.

Andre Onana daga kasar Cameron dake wasa a kungiyar kwallon kafa ta Ajex a kasar Netherland shi ne aka zaba a matsayin mai tsaran ragar da yafi kwarewa a Afrika.

Sai masu tsaron baya wanda suka hada da Achraf Hakimi daga kasar Morocco dake wasa a kungiyar kwallon kafa ta Borussia Dortmund da Serge Aurier dan kasar Ivory Coast dake wasa a kungiyar kwallon kafa Tottenham sai Joel Matip daga kasar Cameroon dake wasa a kungiyar kwallon kafa ta Liverpool da Kalidou Koulibaly daga kasar Senegal dake wasa a kungiyar Napoli.

Daga bangaren ‘yan wasan tsakiya kuwa an zabi Idrissa Gueye daga kasar Senegal dake wasa a kungiyar kwallon kafar Paris Saint-Germain da Riyad Mahrez daga kasar Algeria dake wasa a kungiyar Manchester City da kuma Hakim Ziyech daga kasar Morroco dake wasa a kungiyar Ajax dake kasar Netherland.

Daga bangaren masu wasa a gaba kuwa an zabi Mohamed Salah daga kasar Masar dake wasa a kungiyar kwallon kafa ta Liverpool da Sadio Mane daga kasar Senegal shima dake daga Liverpool sai kuma Pierre-Emerick Aubameyang daga kasar Gabon dake wasa a kungiyar kwallon kafa ta Arsenal itama daga kasar ta Ingila.

Coronavirus

Ma’aikatan lafiya sun kamu da Corona a Jigawa

Published

on

Gwamnatin jihar Jigawa ta tabbatar da shigar Cutar Coronavirus cikin ma’aikatan lafiya a wasu asibitoci biyu dake jihar.

Kwaminshinan lafiya na jihar kuma shugaban kwamaaitin dakile yaduwar cutar ta Covid-19 a jihar, Dr. Abba Umar ne ya bayyana hakan ga manema labarai.

Dr. Abba ya ce asibitocin da abin ya faru sun hada asibitin Rashid Shakoni dake Dutse sai kuma asibitin gwamnatin tarayya dake Birnin Kudu (FMC-BKD).

Dr. Abba ya kara da cewa na Rashid Shakoni din sun dauki cutarne a wurin wata mai juna biyu da aka kawota daga karamar hukumar Miga wadda bayan ‘yan kwanaki ana bata kulawa, alamu suka nuna tana dauke da cutar Covid-19 kamar yadda sakamakon gwajin da aka yi mata ya nuna wadda itace mutum na biyu da ta rasu sanadiyyar cutar a Jigawa.

Karin Labarai:

Ma’aikatan jinya 18 sun kamu da Corona a Kano

Ma’aikatan lafiya 14 sun kamu da Corona a Katsina

Ma’aikatan lafiya 7 sun kamu da Coronavirus a Borno

Haka abin yake a asibitin Tarayya na Binin Kudu can ma dai wani marar lafiyane ya kwanta, wadda daga karshe shima aka gwadashi ya kamu da cutar.

Wakilinmu Muhd Aminu Umar Shuwajo ya rawaito kwaminshinan na cewa tuni dukkan likitoci da jami’an lafiyar da suka kula da wadancan mutane an killacesu kuma harma an gano wasu daga ciki sun kamu da cutar, duk da har kawo yanzu yace basu gama kididdige ko jami’an lafiya nawa ne cutar ta shafa fa.

Wannan dai na zuwa ne yayinda ake ta samun rahotonnin jami’an lafiya dake kamuwa da cutar ta Covid-19 a sassa daban-daban na kasarnan.

A makociyar jihar Jigawan wato Kano kungiyar Likitoci ta kasa reshen jihar ta tabbatarwa da Freedom Radio cewa Likitoci 34 ne suka kamu da cutar a jihar zuwa makon da muke ciki.

Haka abin yake inda suma ma’aikatan jinya da unguzoma 18 suka kamu da cutar a jihar Kanon.

Ita ma jihar Katsina dake makotaka da jihar Jigawan gwamnan jihar Aminu Bello Masari ya tabbatar da cewa wasu jami’an lafiya a jihar sun kamu da cutar ta Covid-19.

Continue Reading

Labaran Kano

Kano Pillars ta jajantawa dan wasanta Rahakku .

Published

on

Kungiyar kwallon kafa ta Kano Pillars, ta mika sakon ta’aziyyar ta ga dan wasanta Rahakku Adamu, wanda dan sa Muhammad Rahakku, ya  rasu a ranar talatar data gabata.

A  wata sanarwa da kakakin kungiyar Rilawanu Idris Malikawa Garu, ya sakawa hannu kuma aka saka a shafin Twitter na kungiyar, sanarwar ta nuna alhinin dukkanin ‘yan tawagar kungiyar tare da mika ta’aziyyar su ga iyalin dan wasan.

Labarai masu alaka.

Kano Pillars ta samu nasara karon farko a kakar wasanni ta bana

Tsohon mai horas da Kano Pillars ya rasu

Haka zalika sanarawar tayi addu’ar samun rahama da dacewa ga marigayin.

Continue Reading

Labaran Wasanni

Covid- 19: Zamu dawo gasar Serie A Gabrielle Gravina

Published

on

 

Shugaban hukumar kwallon kafar kasar Italiya, (FIGC)Gabriele Gravina, yace zasu dawo karasa gasar kakar wasan bana na shekarar 2019/20.

An dai dakatar da gasar ta kasar Italiya,  a watan jiya, sakamakon bullar cutar Corona, wanda hukumar tace ba za’a dawo gasar ba har sai an tabbatar da kawar da cutar.

Gwamnatin kasar Italiya a baya, ta kara wa’adin killace al’umma da zirga zirga, zuwa ranar 03 ga watan Mayu, sai dai rahotanni daga kasar ta Italiya, sun tabbatar dacewar kungiyoyin gasar sun bukaci dawowa a cikin wannan watan don kammala gasar kakar bana, a cikin watan Yuli.

Wasu kungiyoyin basa goyon bayan dawowa cigaba da gasar, sai dai kuma Gravina yace akwai yunkurin dawo wa akan lokaci do cigaba da gudanar da gasar.

Labarai masu alaka.

Cutar Corona ta sa an dakatar da ‘yan kallo shiga wajen wasanni

An dakatar da gasar Firimiyar kasar Ingila sabo da-Corona

Fatan mu shi ne fara gasar da wuri,inji Gravina  don kammala ta kan lokaci  kasancewar rashin yin hakan  zai kawo koma baya kwarai da gaske

Zuwa yanzu haka cutar ta Coronavirus ta kashe mutum 114,170 a fadin duniya cikin mutum 1,851,400 da suka kamu da cutar.

Daga kasar ta Italiya an samu mutuwar mutum  19,890 a cikin mutane 156,360  da suka kamu da cutar.

 

Continue Reading

Listen Live

Freedom Radio Kano 99.5 FM Freedom Radio Kaduna 92.9 FM Freedom Radio Dutse 99.5 FM Dala FM Kano 88.5

Now Streaming

Subscribe to Freedom Radio via Email

Enter your email address to subscribe to this site and receive notifications of new posts by email.

Join 324,276 other subscribers.

Trending

Copyright © 2019. Freedom Radio Group. All Rights Reserved.

error: Content is protected !!