An gargadi “yan Najeriya su guji cin tufa “Apple” da aka shigo da shi daga kasar waje

Hukumar kula da ingancin abinci da magunguna ta Kasa NAFDAC ta gargadi yan kasar nan dasu guji yin amfani da nau’in tufa da inibi da aka raina a kasar Australia.

Babban Darakta a hukumar Moji Adeyeye ne ya bayyana hakan ga manema labarai, yana mai cewa amfani da nau’ikan kayan marmarin ka iya kawo cikas ga garkuwar jikin dan’adam.

Moji Adeyeye yace koda kuwa yin amfani da lemukan da aka sarrafa da ire iren kayan marmarin da aka raina a kasar ka iya kowa nakasu ga lafiyar jama’a.

A don haka daraktan ya bukaci al’ummar kasar nan dasu kaucewa yin amfani da tufar da kuma ini’bin da aka raina daga kasar don kare lafiyar su.