‘Yan Sanda a Jigawa sun kama wasu matasa da satar shanu

Rundunar ‘yan sandan jihar Jigawa ta samu nasarar kama wasu mutane hudu wadanda take zarginsu da laifin satar Shanu da kuma wasu Wayoyin Hannu.

Mai magana da yawun rundunar ASP Abubakar Isah ne ya bayyana hakan ga manema labarai da yammacin jiya Alhamis.

ASP Abubakar Isah ya kara da ‘cewa wadanda ake zargin su hudu sun sato Shanun ne guda shida a wani gida, kuma an kama sune a jihar Bauchi akan hanyarsu ta zuwa siyarda Dabbobin da suka sato’.

Freedom Radio ta rawaito cewa ‘rundunar na cewa da zarar ta kammala gudanar da bincike akan wadanda ake zargin za’a gurfanar dasu a gaban Kotu.

Rahoton: Abdulkadir Muhammad Abdulkarim