Yanbindiga sun saki mutane 20 bayan shafe watanni 5 a hannunsu

Yanzu haka ‘yanbindiga sun saki wasu mutane 20 da suka rike tsawon wata biyar ciki hadda wata mace data haihu a hannunsu.

‘Yanbidigar sun saki mutanen ne sakamakon yadda Sojojin kasar nan ke ci gaba da yi musu lugudan wuta a maboyarsu dake jahohin Katsina da Zamfara.

Wadannan nasarori na zuwa ne biyo bayan matakan da gwamanatocin jihohin arewa maso yamma suka dauka.

Da yake karbar wadanda suka kubuta Sakataren gwamnatin jihar Katsina Dakta Mustapha Muhammad Inuwa, yace yanzu haka gwamnati na yin duk mai yiwawa don ganin an samu zaman lafiya, a yankunan.