Yanzu-yanzu- JAMB ta saki sakamakon jarrabawar UTME ta bana

Hukumar shirya jarrabawar shiga manyan makarantun kasar nan JAMB ta saki sakamakon jarrabawar ta bana.

JAMB ta ce, daliban da suka rubuta jarrabawar a cibiyoyi fiye da 720 a 2021 za su iya duba sakamakon su ta wayar hannu.

Mai magana da yawun hukumar ta JAMB
Dr. Fabian Benjamin ne ya sanar da hakan a Juma’ar nan ta cikin wata sanarwa.

Benjamin ya shawarci kowane dalibi da ya duba sakamakon sa ta hanyar tura UTMERESULT zuwa 55019 ta hanyar lambar GSM don samun lambar sirri da rajistar UTME ta hukumar.