Yanzu-yanzu: Mataimakin shugaban ƙaramar hukumar Ungogo ya rasu

Allah ya yiwa sabon mataimakin shugaban ƙaramar hukumar Ungogo da ke Kano Alhaji Abdulllahi Ɗantalata rasuwa.

Shugaban ƙaramar hukumar Engr. Abdullahi Garba Ramat ne ya sanar da hakan ta shafin sa na Facebook.

Shugaban ya bayyana kaɗuwarsa tare da yin addu’ar Allah ya gafarta wa mamacin.

Rahotanni sun ce za a yi jana’izar marigayin da ƙarfe goma na safe a gidan sa da ke Bagujan a mazaɓar Karo.

Marigayi Ɗantalata ya rasu ne watanni kaɗan bayan zaɓen su a shugabancin ƙaramar hukumar.