Za mu biya bukatun malaman jami’oi – Gwamnatin tarayya

Gwamnatin tarayya ta ce yarjejeniyar daukar mataki kan bukatun malaman jami’oi da ta cimma da kungiyar ASUU yana nan ba ta sauya matsayi akai ba.

Ministan kwadago da samar da aikin yi Dr Chris Ngige ne ya bayyana haka ta cikin wata sanarwa da ma’aikatar ta fitar a yau juma’a.

Sanarwar ta ce mista Ngige ya bayyana hakan ne bayan kammala wani taro da ya yi da kungiyar ta ASUU game da yarjejeniyar da gwamnati ta cimma da kungiyar a watan Disamban bara.

Sanarwar mai dauke da sa hannun jami’in yada labaran ma’aikatar Charles Akpan, ta ce gwamnati za ta mutunta bukatun kungiyar.