Za mu fara koyar da aikin kula da lafiya a jami’ar Yusuf Maitama Sule – Farfesa Kurawa

Jami’ar Yusuf Maitama Sule ce za ta bude tsangayar koyar da aikin lafiya a Jami’ar a shekara mai kamawa ta 2022.

Shugaban Jami’ar Farfesa Mukhtar Atiku Kurawa ne ya bayyana hakan yayin bikin kaddamar da sababbin daliban makarantar su dubu biyar da sittin, da ta dauka a zangon karatu na shekarar 2021/2022.

Ya ce Jami’ar za ta ci gaba da baiwa dalibanta ilimin da ya dace wanda daliban za su yi amfani da shi da zai taimaki kasar nan.

Farfesa Mukhtar Atiku Kurawa ya bukaci daliban da su zama jakadu na gari a ciki da wajen makarantar yayin da suke gudanar da karatun su.