Za mu saki kuɗaɗen ƙungiyar ASUU – Buhari

Gwamnatin tarayya ta ce, nan ba da jimawa ba babban bankin kasa CBN zai saki kuɗaɗen ƙungiyar malaman jami’o’i a ƙasar nan.

ƙaramin ministan ilimi Emeka Nwajiuba ne ya bayyana hakan yayin zantawar sa da jaridar Punch.

Ya ce, a yanzu ƙoƙarin da gwamnati ke yi bai wuce na ganin ta saki kuɗaɗen ƙungiyar ASUU da suke bin ta ba.

Ya kuma musanta zargin ƙungiyar na cewa gwamnati ta ƙi cika alƙawuran da suka kulla.

Wanan ya biyo bayan barazanar da ƙungiyar ASUU ta yi na sake tsunduma yajin aiki matukar gwamnatin ta gaza cika alƙawuran su.