Za mu sauya tsarin tattara kuɗaɗen haraji – Ministar Kuɗi

Gwamnati tarayya na shirin sauya tsarin tattara kuɗaɗen haraji karkashin shirin inganta dabarun ci gaban tattalin arziki.

Ministar kudi kasafi da tsare tsare Hajiya Zainab Ahmad ce ta bayyana hakan jiya, ta cikin wani bayani da ta wallafa a shafin ta na Internet kan inganta tattalin arzikin.

Zainab Ahmad ta ce, yin amafani da tsarin wata hanya ce da za ta haɓaka tattalin arzikin kasar nan daga kashi 6 zuwa 15.

Ministar kuɗin ta ce gwamnatin tarayya, za ta yi duk me yiwuwa dan ganin ta inganta dukkan masana’antun ƙasar nan cikin shekaru biyar masu zuwa don rage dogaro da man fetur.