Za mu tsaurara matakan tsaro a gidajen gyaran hali na Zamfara – CP Ayuba Elkanah

Kwamishinan ƴan sanan jihar Zamfara Ayuba Elkanah ya ziyarci gidan gyaran hali na Gusau babban birnin jihar.

Ziyarar ta sa ta mayar da hankali wajen duba yadda tsaro ke kasancewa a gidajen gyaran hali na jihar da kuma magance duk wani barazanar tsaro.

Mai magana da yawun runudanar ƴan sanda Muhammad Shehu ne ya tabbatar da hakan ta cikin wata sanarwa.

Ya ce, ziyarar ta Ayuba Elkanah za ta mayar da hankali wajen nazartar yadda sha’anin tsaro yake a gidajen, da yunƙurin ƙara inganta tsaron.

Ta cikin sanarwar, Ayuba Elkanah ya tabbatar da cewa za a ƙara tsaurara matakan tsaro a gidajen gyaran halin da ke fadin jihar.