Zaɓen shugabannin mazaɓu na APC ba zai hana mu tsaftar muhalli ba – Dr. Getso

Gwamnatin jihar Kano ta ce, zaɓen shugabannin mazaɓu na jam’iyyar APC a matakai daban-daban da za a gudanar ba zai hana yin aikin tsaftar muhalli na ƙarshen wata ba.

Kwamishinan muhalli Dakta Kabiru Ibrahim Getso ne ya bayyana hakan, jim kaɗan bayan kammala duban tsaftar muhalli na ƙarshen wata da aka gudanar a wasu ma’aikatun gwamnati a Juma’ar nan.

Getso ya ce, kamar kowacce Asabar ɗin ƙarshen wata ma’aikatar muhalli za ta gudanar da duban tsaftar muhalli a faɗin jihar Kano.

A Asabar ɗin nan ne dai za a gudanar da zaɓen shugabannin mazaɓu na jam’iyyar APC anan Kano.