Wasu Mata sun yi taron addu’ar samun zaman lafiya ga Kano

Wasu mata daga kananan hukumomin Kano 44, sun gudanar da taron addu’a ta musamman domin samun zaman lafiya a fadin jahar.

Taron ya gudana ne karkashin shugabannin shiyyoyin mata masu rike da mukamai na jam’iyyar NNPP kuma aka yi shi a karamar hukumar birnin Kano.

Da dama daga cikin mahalarta taron sun yi addu’ar samun zaman lafiya musamman awannan yanayi da ake ciki na jiran sakamakon shari’ar da ake yi ta gwamnan Kano.

Haka kuma sun bayyana fatansu Allah ya tabbatar da gwamna Abba Kabir Yusuf, ya a matsayin gwamnan jihar.