Zamu inganta harka noma a jihar Kano -Havest Plus

Shirin nan na bunkasa harka noma da kawar da yunwa Nigeriya havest Plus ya bayyana cewa samar da ingantaccen abinci shine abu na farko da suka sa, domin bunkasa harka noma a kasar nan musamman noman masara, Gero da kuma gyada masu ɗauke sinadarin gina jiki a ciki.

Shugaban shirin Abdullahi Idris ne Ya bayyana yayin bikin rana manoma da ya gudana a yau a garin kiyawa dake karamar hukumar Bagwai.

Abdullahi Idris Ya kuma kara da cewa ba iya koyawa manoma yadda za su shuka irin ba har ma da koya musu yadda zasu sarrafa shi musamman ma mata a gidajen su.
Ya kara da cewa suna tafiye da malaman domin saukakawa manoma duba da cewa sune a kusa da manoma, ya na mai cewa shirin zai tallafawa manoma da duk wani abu da ya kamata domin inganta harka noma.