Zamu kafa kwamitin bibiyar yadda ake cunkusa yara a ajujuwan makarantu – Ganduje

Gwamnatin Kano ta ce za ta dauki mataki mai tsauri a kan makarantun da ke cakuda dalibai da yawa a cikin azuzuwa.

A cewar gwamnatin ta lura da yadda ake cunkusa yara a ajujuwan makarantun wanda hakan karya doka ce ta yaki da cutar corona.

Babbar Sakatariya a ma’aikatar Ilimi ta jihar Kano Hajiya Lauratu Ado Diso ce ta bayyana hakan ga manema labarai.

Ta ce, za’a fara bibiyar makarantun da basa kula da tsaftar muhallan su musamman bandakuna la’akari da yadda hakan ke zama barazana ga lafiyar dalibai.

Hajiya Lauratu ta kara cewa, gwamnati za ta kafa kwamati na musamman domin bibiyar makarantun dake karya ka’idojin lura da tsafta da kula saka dalibai da yawa a cikin aji tare da daukar matakai masu tsauri a kansu