Zamu samar da sabon tsarin rage cinkoso a Kotu: NBA

Kungiyar lauyoyi ta kasa NBA tace zata samar da wani sabon tsarin yiwa masu kara sulhu a wajen kotuna domin rage yawan cinkoson kararrakin da alkalai suke saurara a gabansu domin rage yawan shari’un a nan Kano.

Barista Wada Ahmad Wada ne ya bayyana haka lokacin da suka ziyarci mai martaba sarkin Kano Alhaji Aminu Ado Bayero a fadar sa.

Wada Ahmad Wada yace ‘wannan tsarin zai taimakawa alkalan wajen saukaka musu yayin yanke hukunci duba da yadda shari’u sukai musu yawan’.

A nasa jawabin mai martaba sarkin kano Alhaji Aminu Ado Bayero yace ‘yaji dadin wannan tsari da kungiyoyin lauyoyi suka shigo dashi domin ta haka ne za’a magance matsalolin shari’a a  Kano, dama kasar baki daya’.

Freedom Radio ta rawaito cewa mai martaba sarkin kano Alhaji Aminu Ado Bayero ya karbi Bakoncin shugabanin wasan kwallon doki ta Jihar Kano dan gabatar da shirinsu na rufe wasan kwallon doki a nan jihar kano.

Rahoton: Shamsu Da’u Abdullahi