Zamu samarwa dabbobin da basu da abokan zama abokai: Kano Zoo

Hukumar dake Kula da gidan Adana namun Daji ta Zoo dake nan Kano, ta ce za ta samarwa da dabobin dake cikin gidan Abokan zama da hakan zai sa su kara habbaka.

Shugaban hukumar Kwanzabatic Sadik Kura Muhammad ne ya bayyana hakan lokacin da yake ganawa da manema labarai dangane da yadda aka gudanar da shagulgulan bikin babbar Sallah a gidan na bana.

Ya Kuma ce hukumar za ta ci gaba da tabbatar da ingancin duk wani Abinci da ake shiga da shi domin sayarwa da Mutane musamman a lokacin bukukuwan Sallah ko Kuma bawa dabbobin dake ciki.

Sadik Kura ya Kuma bukaci Mutane kan su rinka shuka bishiya a gaban gidan su musamman a wannan lokaci na damuna duba da yadda a ko da yaushe ake ci gaba da samun dumamar yanayi.

Ya Kuma nuna takaicinsa kan yadda Mutane ke sare bishiya da zummar yin itace da Ita ko Kuma samar da gawayi.

Ya Kuma bukaci al’umma Kan su ci gaba da baiwa gidan hadin kan da ya kamata.