Zamu samarwa Nijeriya sauye-sauyen da zasu haifar mata da cigaba- Tinubu

Shugaban kasar Nijeriya Bola Ahmad Tinubu ya ce kasar na cigaba da samar da sauye-sauye da suka kunshi na janye tallafin man fetur da daidaita batun chanjin kudi a matakin farko domin jawo hakalin masu zuba jari daga ketare.

Bola Tinubu ya bayyana hakan ne jiya Alhamis a birnin Paris na kasar Faransa a cigaba da halartar taron kasashen duniya game da batun daya shafi hada hadar kudade ta duniya.

A wani bayani da mai Magana da yawun shugaban kasar Dele Alake ya fitar yace shugaba Tinubu ya bada tabbacin cewa gwamnatin tarayya zata cigaba da samar da sabbin tsare tsaren tatalin arziki da zasu dace da bukatun masu sha’awar zuba jari a fannoni daban daban musamman ma fannin noma.