Gwamnatin tarayya ta gargadi manoman da take tallafawa da kayan amfanin gona, su yi amfani da kayan ta hanyar da ta dace.

Ministan harkokin noma na kasar nan Alhaji Sabo Muhammad Na-nono, wanda darakta mai kula da ma’aikatar noma a jihar Kano Malam Abba Gana Yamani ya wakilta ya yin rabon tallafin irin shinkafa ga wasu daga cikin manoman shinkafa a jihar.

Ya ce suna tallafawa manoman ne, dan kara bunkasa harkokin noma da samar da wadataccen abinci a kasa.

Wakilin mu Abubakar Sabo ya rawaito cewa manoma dari takwas aka tallafawa da irin shinkafar, a jihar Kano.