Connect with us

Manyan Labarai

Kun san abinda ya biyo bayan komawar Aisha Buhari Villa?

Published

on

A dai kwanakin baya ne fadar shugaban kasa ta maida martanai kan jita-jitar da ake yadawa kan Uwargidan shugaban kasa Aisha Buhari ta yi Yaji, sai gashi kwatsaham jiya daddare ta Iso kasar nan.

Bayan ta sauka a filin jirgin saman Nnamadi Azikiwe, Hajiya Aisha Buhari ta samu tarba daga Uwargidan gwamnan jihar Kogi Rashida Bello da mai baiwa shugaban kasa shawara kan sha’anin mulki ta mussaman Hajjo Sani da Uwargidan tsohon gwamnan jihar Nasarawa Mairo Al-Makura da dai sauran su.

Sai dai rahotanni sun bayyana cewar da Isowar ta ta, da manema labarai suka tambaye ta menene dalilin da ya sanya ta bar kasar nan har na tsawon watanni 3, nan take ta kada baki tana cewa daman ta saba yin irin wannan hutun a duk shekara musamman ma a watan Yuni zuwa Yuli yayin da take zuwa take zama da ‘ya’yan ta.

Amma kuma a wannan lokacin Aisha Buhari ta jefi tsuntsu biyu da dutse daya, bayan samun damar zama da ‘ya’yan ta, ta kuma ga likita  a can Burtaniya, da ga nan kuma taje kasa mai tsarki don yin aikin Hajjin bana a cewar Aisha Buhari’’

A yayin jawabin da ta yi wa manema labarai jim kadan bayan da ta sauka, tayi gugar zana ga wacce ake zargin cewar shugaban kasa Muhammadu Buhari zai Aura a ranar Juma’ar da ta gabata bayan da aka yi ta yadawa a shafukan sada zumunta.

Rahotannin sun bayyana cewar tun bayan kammala aikin Hajjin Bana ba’a sake ganin fuskar Uwar gidan shugaban kasa ba Hajiya Aisha Buhari ba.

Jaridar Daily Trust ta rawaito cewa tun bayan kammala aikin Hajji Uwar gidan shugaban kasar ta ziyarci birnin Landan ana hasashen cewa kamar ta yi yaji ne, kasancewar ta jima tana sukan irin salon mulkin shugaba Buhari.

Na baya-bayan nan dai shine furucin da tayi a lokacin da ta ziyarci jihar shugaban kasar wato jihar Katsina, inda ta bayyana takaicinta kan yadda tace ‘yan arewa na baiwa gwamnatin kuri’a amma wasu al’umma daban ne ke cin gajiyar gwamnatin.

Rubutu masu alaka:

Shin Aisha Buhari tayi yaji?

Ina Aisha Buhari take?, fadar shugaban kasa ta yi martani

Aisha Bahari ta soki shirrin Gwamnatin tarayya na rage fatara

Har ila yau wasu na ganin cewar ba’a ganin fuskar ta a muhimman wurare tare da shugaban kasar ba, kamar taron majalisar dinkin duniya da aka kammala kwanannan da dai sauran su.

Sai dai wasu na zargin cewar uwar gidan shugaban kasa Hajiya Aisha Buhari bata jituwa da wasu daga cikin manyan kusoshin gwamantin, wanda hakan ya sanya dagantaka tayi tsami a tsakanin su har ta kai ga tayi yaji.

Amma kuma Fadar shugaban kasa ta maida martani kan zargin da wasu ke yi cewa Uwargidan shugaban kasa Aisha Buhari ta yi yaji.

A cewar fadar shugaban kasar Aisha Buhari na da ‘yancin tafiya duk in da take son zuwa, kuma bata yi rikici da kowa ba a fadar shugaban kasar dake Abuja.

Bayanin haka ya fito ne ta bakin mai Magana da yawun ta Suleman Haruna ‘’cewa watannin 2 da ba’a ganin fuskar uwargidan shugaban kasar, ba yana nufin cewar babu fahimtar juna a tsakanin ta da maigidan ta ba ko kuma wasu jiga-jigan gwamnati mai ci’’, a’a illa kawai wasu ne ke kitsa labarun karya don tada fitina’’

Manyan Labarai

Jaridar Kano Focus ta horar da ‘yan jaridu

Published

on

Jaridar Internet ta Kano Focus ta bada horo na musamman ga yan jarida kan bibiyar Labarai ta kafafan sada zumunta a nan Kano.

Taron wanda aka gabatar a yau Litinin, ya maida hankali kan yadda ‘yan Jarida zasu yi amfani da shafukan Google, da Facebook da kuma Twitter dama Instagram don inganta aikinsu.

Shugaban jaridar ta Kano Focus Dakta Maude Rabi’u Gwadabe ya bayyana cewa sun shirya wannan taro ne domin koyar da yan jarida yadda zasu rika nemo sahihan labarai a kafafan sada zumunta, don kaucewa labaran karya da suka mamaye kafafan.

Gwamnatin Kano ta rinka baiwa ‘yan jaridu hadin kai- Ammai Mai Zare

DW na bada horo ga ‘yan jaridu a Abuja

Nassarawa:An sace tare da garkuwa da mai dakin shugaban kungiyar ‘yan jaridu

Taron ya samu halarta yan jarida daga kafafan yada labarai daban-daban na jihar Kano.

Continue Reading

Labarai

Kungiyar Kwallon kafa ta Jigawa Golden stars ta lalasa Wikki Tourist

Published

on

Kungiyar Kwallon kafa ta Jigawa Golden stars , ta samu galaba akan takwarar ta Wikki Tourist dake jihar Bauchi a wasan firimiya na kasa mako na 21,daya aka fafata a filin wasa na Sani Abacha dake unguwar Kofar Mata a yammacin yau.

Dan wasan kungiyar Wikki Promise Damala , ne ya fara saka Kwallo a ragar kungiyar ta Jigawa a minti na biyu na farko Rabin lokaci kafin kungiyar ta Jigawa , ta warware tare da kara Kwallo ta biyu data bata galaba akan kungiyar ta Wikki da ci 2 da 1.

Dan wasa Saleh Ibrahim mai lakabin Nasara, shi ne ya ramawa kungiyar ta Jigawa Kwallo a minti na 54, Jim kadan bayan dawowa daga hutun Rabin lokaci, ya yin da Abdullahi Lala, ya zura Kwallo ta biyu data baiwa kungiyar ta sa ta Jigawa nasara a wasan a minti na 67.

Da yake jawabi Jim kadan bayan tashi daga wasan, mai horar da kungiyar ta Jigawa Gilbert Opana, ya yabawa ‘yan wasan sa da kokarin da suka nuna, sai dai ya caccaki Alkalin wasan da ya busa wasan da cewar busar sa cike take da kura kurai.

‘Yan wasa sun nemi hukuma ta biya su alawus

Kano Pillars ta samu nasara karon farko a kakar wasanni ta bana

Kano Pillars ta lallasa Delta Force da ci 6-1

A nasa bangaren mai horar da kungiyar Wikki Tourist , Usman Abdallah, ya ce zasu duba matsalolin da suka fuskanta, tare da yawan rage kuskuren yan wasan sa don ganin sun samu gogewa a fannoni daban daban a cikin fili.

Ya yin da a can jihar Rivers , Kano Pillars tayi rashin Nasara da ci 2-1, a wasan data fafata da mai masaukin baki Rivers United , inda yan wasan Rivers Konan Ruffin Ngoun da Cletus Omatan, suka zura kwallaye a minti na 22 da 88, ana dab da za’a tashi a minti na 90, kyaftin din kungiyar Kwallon kafa ta Kano Pillars Rabiu Ali Pele, ya ramawa kungiyar da bugun tazara, wato freekick.

Sauran wasannin da suka gudana sun hada da.

MD 21,#NPFL20

Dakkada 0-0 Kwara Utd

MFM 0-0 Heartland

Nasarawa Utd 2-0 Enyimba
Chinedu Ohanachom 33’, Dauda Maigishiri 87’

Lobi Stars 0-0 Plateau Utd

Akwa Utd 1-1 Wolves
Ndifreke Effiong 90’ – Wisdom Jumbo 76’ (PEN)

Sunshine Stars 0-0 Rangers

Katsina Utd 1-0 Abia Warriors
Joseph Atule 6’

Adamawa Utd 2-1 FCIU
Jibrin Abubakar 22’, Idris Abubakar 69’ – Ikenna Cooper 67’.

Zuwa yanzu haka kungiyar Plateau United ke saman Teburin Jadawalin gasar da maki 37 bayan wasanni 21.

Rahoto daga,

Aminu Halilu Tudunwada.

Continue Reading

Manyan Labarai

Tarbiyantar da ‘ya’ya ya wajaba kan iyaye- Sarkin Kano

Published

on

Mai martaba sarkin Kano Malam Muhammad Sunusi na biyu, ya ja kunnan iyaye wajen tabbatar da suna sauke nauyin da All- subhanawu-wata’ala ya dora a kansu na tarbiyantar da ‘ya’yansu bisa koyarwar addinin Islama.

Sarkin na bayyana hakan ne yau yayin bikin kaddamar da faifan CD na karatun Al-qur’ani mai girma na ruwayar Qalun da Gwana Nafisatu Yusuf Abdullahi ta gabatar a dakin taro na Mumbayya dake Gwammaja.

Muhammad Sunusi ya kuma ce ba dai-dai bane iyaye su rinka turo iyayen su cikin gari da sunan almajirci ba tare da sun baiwa malaman da za su koyar da ‘ya’yan na su abincin da za su ciyar da su ba, ta yadda hakan kansa ‘yaran gararamba a gari wajen neman abinci da za su ciyar da kansu.

Da take na ta jawabin gwana Nafisa Yusuf Abdullahi, data gudanar da karatun al-qur’ani na ruwayar ta Qalun a faifan CD, jan hankalin ‘yan uwanta mata tai wajen neman ilimin addinin Islama da na zamani tare da kiran al’umma wajen tallafawa makarantar da wajen zama nata na dindin din.

Kyautatawa malamai ya zama wajibi- Shekarau

Zulum- ya baiwa malamai 30 kwangilar addu’o’i a kasa mai tsarki

Mahukunta su mai da hankali kan al’umma -Limami

Wakilin mu Abubakar Tijjani Rabi’u ya rawaito cewa, mai alfarma sarkin musulmi Alhaji Sa’ad Abubakar na uku da sanatan kano ta tsakiya Malam Ibrahim Shekarau da malamai da ‘yan siyasa da dalibai da dama ne suka halarci taron kaddamar da faifan CD na kira’ar ta Qalun.

 

Continue Reading

Now Streaming

Trending

Copyright © 2019. Freedom Radio Group. All Rights Reserved.

error: Content is protected !!