Connect with us

Labarai

Majalisa ta yanke hukuci ga masu laifi a shafukan sada zumunta

Published

on

Majalisar dattawa ta sake gabatar da kudirin da ke neman gudanar da daurin shekaru uku ga duk wani mutum da aka kama shi ya aikata wani laifi a shafukan sada zumunta.

Haka kuma kudirin dokar ya kuma ce za a iya bukatar wanda aka Kaman da ya biya tarar naira dubu dari da hamsin ko kuma a hada mishi duka zuwa gidan yarin shekara uku da kuma biyan tarar naira dubu dari da hamsin.

Shekaru uku da suka gabata ne dai majalisar ta jingine dokar bayan da ta fuskanci tirjiya daga wajen al’ummar kasar nan da ke kallon lamarin a matsayin wata hanya ta take ‘yancin fadin albarkacin baki.

Majalisar datijjai ta fara tafka mahawara kan kasafin 2020

Majalisar dattawa ta amince da babban jojin Najeriya shari’a Ibrahim Tanko Muhammad

Majalisar dattawa ta amince a biya wasu kamfanoni kudaden tallafin mai

Abaya-bayan nan ne dai ministan yada labarai Alhaji Lai Muhammed ya bayana cewa gwamnatin tarayya za ta fara tsaftace yadda al’ummar kasar nan ke amfani da shafukan sada zumunta na zamani

Kudirin wanda ya tsallake karatu na farko ya kuma bukaci da a ci tarar kafafen yada labarai da aka kamasu da laifin yada labaran karya naira miliyan goma.

 

Labarai

Kungiyar Kwallon kafa ta Jigawa Golden stars ta lalasa Wikki Tourist

Published

on

Kungiyar Kwallon kafa ta Jigawa Golden stars , ta samu galaba akan takwarar ta Wikki Tourist dake jihar Bauchi a wasan firimiya na kasa mako na 21,daya aka fafata a filin wasa na Sani Abacha dake unguwar Kofar Mata a yammacin yau.

Dan wasan kungiyar Wikki Promise Damala , ne ya fara saka Kwallo a ragar kungiyar ta Jigawa a minti na biyu na farko Rabin lokaci kafin kungiyar ta Jigawa , ta warware tare da kara Kwallo ta biyu data bata galaba akan kungiyar ta Wikki da ci 2 da 1.

Dan wasa Saleh Ibrahim mai lakabin Nasara, shi ne ya ramawa kungiyar ta Jigawa Kwallo a minti na 54, Jim kadan bayan dawowa daga hutun Rabin lokaci, ya yin da Abdullahi Lala, ya zura Kwallo ta biyu data baiwa kungiyar ta sa ta Jigawa nasara a wasan a minti na 67.

Da yake jawabi Jim kadan bayan tashi daga wasan, mai horar da kungiyar ta Jigawa Gilbert Opana, ya yabawa ‘yan wasan sa da kokarin da suka nuna, sai dai ya caccaki Alkalin wasan da ya busa wasan da cewar busar sa cike take da kura kurai.

‘Yan wasa sun nemi hukuma ta biya su alawus

Kano Pillars ta samu nasara karon farko a kakar wasanni ta bana

Kano Pillars ta lallasa Delta Force da ci 6-1

A nasa bangaren mai horar da kungiyar Wikki Tourist , Usman Abdallah, ya ce zasu duba matsalolin da suka fuskanta, tare da yawan rage kuskuren yan wasan sa don ganin sun samu gogewa a fannoni daban daban a cikin fili.

Ya yin da a can jihar Rivers , Kano Pillars tayi rashin Nasara da ci 2-1, a wasan data fafata da mai masaukin baki Rivers United , inda yan wasan Rivers Konan Ruffin Ngoun da Cletus Omatan, suka zura kwallaye a minti na 22 da 88, ana dab da za’a tashi a minti na 90, kyaftin din kungiyar Kwallon kafa ta Kano Pillars Rabiu Ali Pele, ya ramawa kungiyar da bugun tazara, wato freekick.

Sauran wasannin da suka gudana sun hada da.

MD 21,#NPFL20

Dakkada 0-0 Kwara Utd

MFM 0-0 Heartland

Nasarawa Utd 2-0 Enyimba
Chinedu Ohanachom 33’, Dauda Maigishiri 87’

Lobi Stars 0-0 Plateau Utd

Akwa Utd 1-1 Wolves
Ndifreke Effiong 90’ – Wisdom Jumbo 76’ (PEN)

Sunshine Stars 0-0 Rangers

Katsina Utd 1-0 Abia Warriors
Joseph Atule 6’

Adamawa Utd 2-1 FCIU
Jibrin Abubakar 22’, Idris Abubakar 69’ – Ikenna Cooper 67’.

Zuwa yanzu haka kungiyar Plateau United ke saman Teburin Jadawalin gasar da maki 37 bayan wasanni 21.

Rahoto daga,

Aminu Halilu Tudunwada.

Continue Reading

Labarai

Shugaba Buhari ya jajantawa alummar Garkida

Published

on

Shugaban kasa Muhammadu Buhari ya jajantawa al’ummar kauyen Garkida na jihar Adamawa da kungiyar Boko Haram ta kaiwa hari.

Wannan na kunshe ne cikin wata sanarwa da babban mataimaki na musamman kan harkokin yada labarai Garba Shehu ya fitar jiya a birnin tarayya Abuja.

Ta cikin sanarwar, shugaban kasa Muhammadu Buhari ya ce shakka babu sojojin kasar nan sun mai da hankali kan rage wa mayakan Boko Haram karfi a yankunan arewa maso gabashin kasar nan.

Shugaba Buhari ya ce ya zama wajibi a yabawa jami’an tsaron kasar nan kan yadda suke aiki ba dare ba rana wajen tabbatar da zaman lafiya.

Yaki da cin hanci da rashawa bana Buhari ba ne- Ministan Ruwa

Buhari Bai Damu Da Harkokin Lafiya Ba-Likitocin Yara

Shugaba Buhari ya gana da sufeton yan sanda ta kasa kan arangamar yan Shi’a

Muhammadu Buhari ya kara da cewa, nan da wani dan lokaci Gwamnati zata kaddamar da kamfe kan yakar ta’addanci.

Shugaban kasa ya kuma yi kira ga al’ummar kasar nan wajen ci gaba da baiwa jami’an tsaro goyon baya na kare dukiya da tsaron lafiyar ‘yan kasar nan.

Continue Reading

Labarai

Kai tsaye: Cigaba da bikin yaye daliban jami’ar tarayya ta Dutse

Published

on

Note: Ana cigaba da sabinta wannan shafi, ku cigaba da bibiya


Dalibai guda dari 786 ne jami’ar tarayya ta Dutsen jihar Jigawa, ke bikin yayewa a yau.

Rahotanin sun bayyana cewar, daga cikin dalibai dari bakwai da tamanin da shida (786) da ake bikin yayewa, hamsin da biyu (52) sun samu digiri mai matakin daraja ta farko wato First Class.

Kuma wannan shi ne karo na 5 da jami’ar ke bikin yaye dalibai.

Yanzu haka ana dab da kammala wannan biki da dake gudana a babban dakin taro na jami’ar.

A jawabin da ta gabatar, na yau Asabar shugabar jami’ar, Farfesa Fatima Batulu Muktar ta bayyana farin cikinta, tare da godiyar ta ga mahalarta taron inda ta bayyana irin nasarori da jami’ar ta samu musamman a bangaren ilimi da sauran bangarori na ci gaban jami’ar.

Farfesa Batulu Mukhtar ta kuma mika godiyar ta ga abokan hulda musamman gwamnatin jihar Jigawa da sauran dai-daikun al’umma da suka bada gudunmuwa wajen ci gaban jamiar.

Ku kalli hotuna daga wurin taron na yau:

Continue Reading

Now Streaming

Trending

Copyright © 2019. Freedom Radio Group. All Rights Reserved.

error: Content is protected !!